UFC တွင် မီဒယ်ဝိတ်ချန်ပီယံ (Middleweight Champion)ဟောင်းတစ်ဦးဖြစ်သည့် လုခ် ရော့ခ်ဟိုလ်ဒ် (Luke Rockhold) သည် သူတစ်ချိန်က မယုံကြည်ခဲ့သော Alex Pereira အပေါ် လေးစားမှု အပြည့်အဝပြသလိုက်ပြီဖြစ်ပါတယ်
တစ်ချိန်က ရော့ခ်ဟိုလ်ဒ်သည် ကမ္ဘာ့အကောင်းဆုံးတိုက်ခိုက်ရေးသမားများထဲမှ တစ်ဦးဖြစ်ခဲ့ပြီး၊ သူ၏ MMA ကစားသမားဘဝနောက်ဆုံး ငါးပွဲတွင် တစ်ပွဲသာနိုင်ခဲ့သော်လည်း သူ့တွင်ရှိသည့် စိတ်ဓာတ်ကျခြင်းမျိုး ဘယ်တုန်းကမှ မရှိခဲ့ပေ။ သူသည် Pereira ကို တွေ့ဆုံတိုက်ခိုက်ရပါက “ခါးပတ်အခမဲ့” ဟုပင် အခိုင်အမာ ယုံကြည်ခဲ့ဖူးသည်။သိုသော် ယခုအခါတွင် ရော့ခ်ဟိုလ်ဒ်၏ ထိုအပြောမျိုးများ ပျောက်ကွယ်သွားခဲ့ပြီ။
ယခုလအစောပိုင်းတွင် “Poatan” ဟု လူသိများသည့် Pereira သည် UFC 320 ပြိုင်ပွဲ၌ Magomed Ankalaev ကို ပထမအချီ၌ပင် အလဲထိုးကာ လိုက်ဟဲဗီးဝိတ်ချန်ပီယံဆု (Light Heavyweight Title) ကို ပြန်လည်ရယူနိုင်ခဲ့သည်။ ထိုအောင်ပွဲက Pereira ကို ချန်ပီယံအဖြစ် ပြန်ရောက်စေရုံသာမက ရော့ခ်ဟိုလ်ဒ်၏ လေးစားမှုကိုပါ နောက်ဆုံးတွင် ရရှိစေခဲ့သည်။
“ကျွန်တော် Alex Pereira ကို မုန်းခဲ့ဖူးတာပါ။ ဒါပေမယ့် ဒီကောင်ကတော့ ရမ်းကားတဲ့ လူမိုက်တစ်ယောက်ပဲဗျာ” ဟု ရော့ခ်ဟိုလ်ဒ်က TMZ Sports ကို ပြောကြားခဲ့သည်။ “ဒါဟာ ယုံကြည်မှုနဲ့ သတ္တိပဲ။ သူမှာ အဲဒါတွေ ရှိတယ်။ တကယ်ရှိတာပါ။ ကျွန်တော် လိမ်ညာပြောမှာ မဟုတ်ဘူး။ ဒီကောင့်ကို ဆက်မုန်းလို မဖြစ်တော့ဘူး။ သူကတော့ GOATs (ခေတ်အဆက်ဆက် အကောင်းဆုံးများ) တွေထဲက တစ်ယောက်ပါပဲ” ဟု ရော့ခ်ဟိုလ်ဒ်က ဖွင့်ဟပြောကြားခဲ့သည်။
