စပါးအသင်းဟာ လစ်လပ်နေတဲ့ နည်းပြရာထူးအတွက် အီတလီနည်းပြ ဒီဇာဘီကို ခန့်အပ်နိုင်ဖို့ အလွန်နီးစပ်နေပြီဖြစ်ကြောင်း သိရပါတယ်။
စပါးအသင်းဟာ ခရိုအေးရှားနည်းပြ တူဒေါနဲ့ မနေ့က လမ်းခွဲခဲ့ပြီးနောက် နည်းပြသစ် ခန့်အပ်ဖို့ စီစဉ်နေရာမှာ ဒီဇာဘီက နံပါတ်(၁)ဦးစားပေးဖြစ်နေပါတယ်။
ပြီးခဲ့တဲ့ ဖေဖော်ဝါရီမှာ မာဆေးလ်အသင်းနဲ့ လမ်းခွဲပြီးနောက် အသင်းလက်မဲ့ဖြစ်နေတဲ့ ဒီဇာဘီကလည်း စပါးအသင်းကို ကိုင်တွယ်ဖို့ ဆန္ဒရှိနေပေမဲ့ ရာသီကုန်မှ ကိုင်တွယ်ဖို့ ပိုမိုလိုလားနေကြောင်း သိရပါတယ်။
ဒါပေမဲ့ စပါးအသင်းက ချက်ချင်းခန့်အပ်လိုတာကြောင့် မြင့်မားတဲ့ လစာနှုန်းထားတဲ့ ကမ်းလှမ်းထားသလို၊ တန်းဆင်းဇုန်က လွတ်မြောက်ရင် အပိုဆုကြေး ပေါင်သန်းဂဏန်း ပေးအပ်မယ်ဆိုတဲ့ မက်လုံးလည်း ပေးထားကြောင်း သိရပါတယ်။
စပါးအသင်းက ဒီဇာဘီကို ၂၀၃၀ အထိ စာချုပ်ချုပ်ဆိုဖို့ စီစဉ်ထားတဲ့အပြင် နောက်ထပ်တစ်နှစ် သက်တမ်းတိုးနိုင်မယ့်သဘောတူညီမှုလည်း ပါဝင်မှာဖြစ်ကြောင်း၊ လစာအဖြစ် တစ်နှစ်ပေါင်(၁၂)သန်း ပေးအပ်သွားမှာဖြစ်ကြောင်းလည်း ဖော်ပြမှုတွေ ရှိနေပါတယ်။
ပရီးမီးယားလိဂ်မှာ လက်ရှိလစာအများဆုံးနည်းပြက တစ်နှစ်ပေါင်သန်း(၂၀)ရနေတဲ့ ဂွါဒီယိုလာဖြစ်ပြီး အာတေတာက တစ်နှစ်ပေါင်(၁၅)သန်းနဲ့ ဒုတိယအများဆုံးရရှိနေတာကြောင့် ဒီဇာဘီအနေနဲ့ စပါးအသင်းရဲ့ ကမ်းလှမ်းမှုကို လက်ခံခဲ့ရင် ပရီးမီးယားလိဂ်ရဲ့ တတိယလစာအများဆုံးနည်းပြ ဖြစ်လာမယ်လို့ သိရပါတယ်
