ပြီးခဲ့တဲ့ရာသီမှာဖရန့်ဖတ်အသင်းအတွက် ၁၅ ဂိုးသွင်းပြီးဂိုးဖန်တီးမှု ၆ ကြိမ်ပြုလုပ်ခဲ့တဲ့ အီကီတိုက်ခ်က ဉရောပထိပ်တန်းလိဂ်ငါးခုရဲ့အကောင်းဆုံးအသက်၂၃ နှစ်အောက်ကစားသမားဖြစ်ခဲ့ပါတယ်။
အခုသူက ပရီးမီးယားလိဂ်မှော်ရုံတောမှာ သွင်းဂိုးမုဆိုးဖြစ်နေပြီ။ လီဗာပူးလ်အတွက်ပရီးမီးယားလိဂ်နှစ်ပွဲဆက်ဂိုးသွင်းပြီး အီကီတိုက်က လာခြင်းကောင်းသူ ဖြစ်နေပါတယ်။ ခံစစ်အားနည်းချက်တွေနဲ့ လီဗာပူးလ်ကို သွင်းဂိုးတွေနဲ့ကယ်တင်ပေးသူဖြစ်နေပါတယ်။
ဉရောပထိပ်တန်းလိဂ်ငါးခုရဲ့အကောင်းဆုံးအသက်၂၃ နှစ်အောက်ကစားသမားက အီကီတိုက်ပါ။ မက်ဆီလက်သစ်၊ အနာဂတ်Ballon d’or ပိုင်ရှင်ဆိုပြီး အထင်ကြီး နေကြတဲ့ဘာစီလိုနာက ယမားလ်ထက်အီကီတိုက်ရဲ့စွမ်းဆောင်ရည်ပိုကောင်းခဲ့ပါတယ်။
ယမားလ်က ၉ဂိုးသွင်းပြီး၊ ဂိုးဖန်တီးမှု၁၃ ကြိမ်ပြုလုပ်ခဲ့လို့သွင်းဂိုးပါဝင်ပတ်သက်မှု ၂၂ ဂိုးသာရှိပြီး အီကီတိုက် ၂၃ဂိုးရှိခဲ့တာပါ။
အီကီတိုက်က တိုက်စစ်တစ်နေရာတည်းစောင့်ကစားတတ်သူမဟုတ်ဘဲ နေရာစုံရွေ့လျားကစားတတ်ပြီး ပြိုင်ဘက်တွေကို SmartMove တွေနဲ့လှည့်စားနိုင်ပါတယ်။ နည်းစနစ်တန်ဖိုးမြင့်မားတဲ့တိုက်စစ်ကစားသမား။တန်ပြန်တိုက်စစ်ကစားမလား၊ ဘောလုံးပိုင်ဆိုင်မှု ဉီးစားပေးကစားမလား။ အဆင်ပြေအောင် အသုံးတော်ခံနိုင်သူပါ။
