အီတီဟတ်ကွင်းမှာ မန်စီးတီးအသင်းကို ၂-၀ ဂိုးနဲ့ အနိုင်ရပြီးနောက် နည်းပြ သောမတ်စ်ဖရန့်ခ်ကို စပါးကစားသမားတွေက ချီးကျူးခဲ့ကြပါတယ်။
အဲဒီပွဲမှာ အနိုင်ဂိုးသွင်းခဲ့ကြတဲ့ ဘရန်နန်ဂျွန်ဆင်နဲ့ ပယ်လ်ဟင်ညာတို့က ပြောကြားခဲ့တာဖြစ်တယ်။
စပါးအသင်းဟာ အခုနွေရာသီမှာ ယူရိုပါလိဂ်ဖလား ရယူပေးခဲ့တဲ့ ပိုစတီကိုဂလူးကို ထုတ်ပယ်ပြီး ဘရန့်ဖို့ဒ်အသင်းနည်းပြ ဖရန့်ခ်နဲ့ အစားထိုးခဲ့တာဖြစ်တယ်။
ပရီးမီးယားလိဂ် ရာသီအဖွင့်မှာ နှစ်ပွဲစလုံး အနိုင်ရထားပြီး clean sheet လည်း ရရှိထားခဲ့ပါတယ်။
စပါးအနေနဲ့ ပြီးခဲ့တဲ့ ဥရောပစူပါဖလားမှာလည်း PSG အသင်းကို နှစ်ဂိုးပြတ် ဦးဆောင်ထားပြီးမှ နောက်ကျဂိုးတွေနဲ့ သရေကျကာ ပယ်နယ်တီအဆုံးအဖြတ်နဲ့ အရေးနိမ့်ခဲ့ရပါတယ်။
စပါးအသင်းဟာ နိုင်ငံတကာရက်သတ္တပတ်မတိုင်ခင် ပရီးမီးယားလိဂ် နောက်ဆုံးပွဲအဖြစ် လာမယ့်အပတ်မှာ ဘုန်းမောက်နဲ့ အိမ်ကွင်းကစားရပါလိမ့်မယ်။
