ပရီးမီးယားလိဂ်ချန်ပီယံဆုအတွက် ပရီးမီးယားလိဂ်ဝက်ဘ်ဆိုက်မှာ ဆန္ဒမဲပေးနိုင်ပြီ
၂၀၂၅-၂၆ ရာသီ ပရီးမီးယားလိဂ်ပြိုင်ပွဲမှာ ချန်ပီယံဆု ရရှိမယ့်အသင်းကို ပရီးမီးယားလိဂ်ဝက်ဘ်ဆိုက်မှာ ဆန္ဒမဲပေးနိုင်ပြီဖြစ်ကြောင်း သိရပါတယ်။
ပရီးမီးယားလိဂ်က ဒီအစီအစဉ်ကို တနင်္ဂနွေနေ့မှာ စတင်ခဲ့တာဖြစ်ပြီး လောလောဆယ်မှာ အာဆင်နယ်အသင်းက ဆန္ဒမဲအများဆုံးရရှိထားကြောင်း သိရပါတယ်။
အာဆင်နယ်အသင်းက ပရီးမီးယားလိဂ်ပွဲစဉ်(၇)မှာ အမှတ်ပေးဇယားထိပ်ဆုံးနေရာကို လွှဲပြောင်းရယူနိုင်ခဲ့သလို၊ လာမယ့်ပွဲစဉ်(၄)ပွဲမှာ လီဗာပူးလ်က ပွဲကျပ်ပြီး အာဆင်နယ်က ပွဲချောင်နေတာကြောင့်လည်း ဆန္ဒမဲအများဆုံး ရရှိခြင်းဖြစ်ဖွယ်ရှိပါတယ်။
လီဗာပူးလ်က ဒုတိယမဲအများဆုံးရရှိထားပြီး မန်စီးတီးက တတိယမဲအများဆုံးရရှိထားပါတယ်။
အာဆင်နယ်အသင်းဟာ ပရီးမီးယားလိဂ်ချန်ပီယံဆုကို ၂၀၀၃-၀၄ ရာသီမှာ ရှုံးပွဲမရှိရလဒ်နဲ့ နောက်ဆုံးအကြိမ်ရရှိခဲ့ပြီး ချန်ပီယံဆုနဲ့ ဝေးကွာနေတာ (၂၁)နှစ်ရှိပြီဖြစ်ပေမဲ့ နောက်ဆုံး(၃)ရာသီဆက်တိုက် အကောင်းဆုံးစိန်ခေါ်သူအဖြစ် ရပ်တည်နိုင်ခဲ့ပါတယ်။
