စနေနေ့ UFC APEX တွင် ပြုလုပ်ခဲ့သော ပွဲစဉ်၌ Waldo Cortes-Acosta သည် ကြောက်မက်ဖွယ် မျက်လုံး ထိုးခံရခြင်းကို ကျော်လွှားကာ Ante Delija ကို ပထမအချီတွင် ရက်စက်သော ကေအို (Knockout) ဖြင့် အနိုင်ယူခဲ့ပြီး လိုအပ်နေသော အောင်ပွဲကို ရယူသွားခဲ့ပါတယ်
ပွဲစဥ်က ရုတ်ချည်း အလှည့်အပြောင်းများဖြင့် ပြည့်နှက်နေခဲ့ပါတယ်။ Cortes-Acosta မျက်လုံး ထိုးခံရပြီးနောက် Delija ၏ လက်သီးချက်များ ဆက်တိုက် ကျရောက်လာသဖြင့် ဒိုင်လူကြီး Mark Smith က ဝင်ရောက် ရပ်တန့်ခဲ့ရပါတယ်။ ပွဲကို ခေတ္တရပ်နားခဲ့သော်လည်း ရုပ်သံ ပြန်ကြည့်ရာတွင် Delija ၏ လက်ချောင်းသည် Cortes-Acosta ၏ မျက်လုံးကို ရှင်းလင်းစွာ ထိုးမိခဲ့ကြောင်း၊ ထိုနောက်မှသာ လက်သီးများ ဆက်တိုက် ထိုးသွင်းခဲ့ကြောင်း တွေ့ရှိရပါတယ်။
မျက်လုံး ထိုးခံရမှုကြောင့် Cortes-Acosta သည် သိသိသာသာ နာကျင်ခဲ့သော်လည်း စည်းကမ်းဖောက်ဖျက်မှုကြောင့် နာလန်ထူရန် အချိန်ပေးခဲ့ပြီး ဆက်လက်ယှဉ်ပြိုင်လိုပါက ခွင့်ပြုခဲ့သည်။ နောက်ဆုံးတွင် သူသည် ပွဲပြန်စရန် ဆုံးဖြတ်ခဲ့ပြီး Cortes-Acosta သည် မာန်အပြည့်ဖြင့် ပြန်လည် ထွက်ပေါ်လာခဲ့ပါတယ်။
စက္ကန့်ပိုင်းအတွင်းမှာပင် Cortes-Acosta သည် အချိန်ကိုက် အံဝင်ခွင်ကျ ကောင်တာ ညာလက်သီးချက်ကို Delija သို လွှတ်ထုတ်ခဲ့ရာ Delija သည် ကွင်းပြင်ပေါ်သို လဲကျသွားခဲ့သည်။ “Salsa Boy” ဟု အမည်ပြောင်ရသော Cortes-Acosta သည် Delija အား ထပ်မံ ထိခိုက်မှုမှ ကယ်တင်ရန် Smith ဒိုင်လူကြီး ဝင်ရောက်လာသည်အထိ မြေပြင်ပေါ်၌ နောက်ထပ် ထိုးနှက်ချက် အချိုကို ဆက်လက် ထိုးသွင်းခဲ့ပါတယ်။
Cortes-Acosta သည် ပထမအချီ ၃ မိနစ် ၅၉ စက္ကန့်တွင် TKO ဖြင့် အနိုင်ရရှိခဲ့ပြီး ယခု ပွဲသည် ၂၀၂၅ ခုနှစ်၏ ရူးသွပ်ဆုံး ပွဲစဉ်များထဲမှ တစ်ပွဲအဖြစ် သတ်မှတ်ခံရဖွယ် ရှိနေပါတယ်။
