ဗြိတိန်ဝန်ကြီးချုပ် ကီယာစတာမာဟာ တရုတ်နိုင်ငံကို အလည်အပတ်ခရီး ထွက်ခွာခဲ့ရာမှာ အာဆင်နယ် ၂-၃ မန်ယူပွဲမှာ အသုံးပြုခဲ့တဲ့ဘောလုံးကို ယူဆောင်လာခဲ့ပြီး တရုတ်သမ္မတ ရှီကျင့်ဖျင်ထံ လက်ဆောင်အဖြစ် ပေးအပ်ခဲ့ကြောင်း သိရပါတယ်။
ဗြိတိန်ဝန်ကြီးချုပ် ကီယာစတာမာက အာဆင်နယ်အသင်းရဲ့ ပရိသတ်တစ်ဦးဖြစ်ပြီး တရုတ်သမ္မတ ရှီကျင့်ဖျင်က မန်ယူအသင်းကို အားပေးတဲ့ ပရိသတ်တစ်ယောက်ဖြစ်တာကြောင့် နှစ်သင်းဆုံတွေ့တဲ့ပွဲမှာ အသုံးပြုခဲ့တဲ့ဘောလုံးကို သံတမန်လက်ဆောင်အဖြစ် ပေးအပ်ခဲ့ခြင်းဖြစ်ကြောင်းလည်း သိရပါတယ်။
မန်ယူနဲ့ အာဆင်နယ်အသင်းဟာ ပရီးမီးယားလိဂ်ပြိုင်ပွဲရဲ့ အစဉ်အလာပြိုင်ဘက်တွေဖြစ်ပြီး တနင်္ဂနွေနေ့က ယှဉ်ပြိုင်တဲ့ပွဲစဉ်မှာတော့ မန်ယူအသင်းက အမှတ်ပေးဇယားထိပ်ဆုံးမှာ ဦးဆောင်နေတဲ့ အာဆင်နယ်အသင်းကို အဝေးကွင်းမှာ (၃-၂)ဂိုးနဲ့ အနိုင်ယူခဲ့ပါတယ်။
ဒါကြောင့် မန်ယူအသင်းအနေနဲ့ ချန်ပီယံလိဂ်ဝင်ခွင့်အတွက် မျှော်လင့်ချက်ပိုရှိလာခဲ့ပြီး အာဆင်နယ်အသင်းကတော့ ပရီးမီးယားလိဂ်ချန်ပီယံဆုအတွက် ဖိအားမြင့်တက်သွားခဲ့ကြောင်း သိရပါတယ်။
တရုတ်သမ္မတ ရှီကျင့်ဖျင်က ပရီးမီးယားလိဂ်မှာ အာဆင်နယ်၊ မန်စီးတီးနဲ့ ခရစ္စတယ်ပဲလေ့စ်တို့ကိုလည်း စိတ်ဝင်စားကြောင်း ဗြိတိန်ဝန်ကြီးချုပ် ကီယာစတာမာကို ပြောကြားခဲ့တယ်လို့ သိရပါတယ်။
