ပြင်သစ်တိုက်စစ်မှူး အမ်ဘာပေဟာ အဇာဘိုင်ဂျန်ကို ၃-၀ ဂိုးနဲ့ အနိုင်ရတဲ့ပွဲမှာ ၁၀ ပွဲဆက် ဂိုးသွင်းနိုင်ခဲ့ပေမဲ့ ခြေချင်းဝတ်ဒဏ်ရာ ထပ်မံရရှိခဲ့ပါတယ်။
အမ်ဘာပေဟာ ၈၄ မိနစ်မှာ ဒီဒဏ်ရာကြောင့်သာအူဗင်နဲ့ လူစားလဲခံခဲ့ရတာဖြစ်တယ်။
ပြင်သစ်အသင်းနည်းပြ ဒေးရွှမ့်စ်က ”သူဟာ ခြေချင်းဝတ်ရဲ့ အရင်နေရာမှာပဲ ထပ်ထိတာပါ။ အနားယူလိုက်တဲ့အချိန်မှာတော့ နာကျင်မှု သက်သာသွားပါတယ်။ ဘောလုံးပွဲတွေမှာတော့ ဒါတွေက မလွဲမသွေ ထိတတ်ပါတယ်။ ဒဏ်ရာအခြေအနေ
ကိုတော့ နောက်ပိုင်းမှ ကျွန်တော်တို ကြည့်ရမှာပါ။ သူ အနည်းငယ်တော့နာနေတယ်။ ဒါက သူ့အတွက် မကောင်းပါဘူး”လို ပွဲအပြီးမှာ ပြောခဲ့ပါတယ်။
အမ်ဘာပေဟာ ပြင်သစ်လက်ရွေးစင်အသင်းအတွက် ၅၃ ဂိုး ရှိလာပြီး ဂိုးအများဆုံး ဂျရူး(၅၇ ဂိုး)ကိုမီဖို လေးဂိုးသာ လိုပါတော့တယ်။
၎င်းဟာ အခုရာသီမှာ ကလပ်နဲ့ နိုင်ငံအသင်းအတွက် ၁၃ ပွဲကစားပြီး ၁၇ ဂိုး သွင်းယူထား
ပါတယ်။
၎င်းထက် ဂိုးပိုသွင်းထားတာဆိုလို ဟာလန်းနဲ့
ဟာရီကိန်းတိုသာ ရှိပြီး ဟာလန်းက ၁၁ ပွဲကစား ၁၈ ဂိုးနဲ့ ဟာရီကိန်းက ၁၀ ပွဲကစား ၁၈ ဂိုး ရှိနေပါတယ်။
