♦ အက်စတွန်ဗီလာ – နယူးကာဆယ် (မြန်မာစံတော်ချိန် ညနေ ၆ နာရီ)

နှစ်သင်းစလုံး ပြီးခဲ့တဲ့ရာသီက အမာခံကစားသမားအများစု ဆက်ထိန်းထားပြီး ရာသီသစ်ကို ဆင်နွှဲမှာ ပါ။ နယူးကာဆယ်မှာ အဓိကတိုက်စစ်မှူး အီဆက်ခ် အနာဂတ်မသေချာတော့ဘူး။ ကစားသမားသစ်ခေါ်ယူမှုမှာတော့ နယူးကာဆယ်က အယ်လန်ဂါ၊ မာလစ်ကျောင်တို့လို နာမည်ရှိတဲ့သူတွေ ခေါ်ထား
ပြီး ဗီလာအသင်း ခေါ်ယူမှုမှာ မထင်မရှားတွေ များပါတယ်။ ရာသီအဖွင့်ပွဲဖြစ်လို့ အာရုံစိုက်မှုချင်းလည်း မကွာပါဘူး။ နယူးကာဆယ်ပဲ ရွေးချယ်ချင်တယ်။

♦ စပါး – ဘန်လေ (မြန်မာစံတော်ချိန် ည ၈ နာရီခွဲ)

နည်းပြသစ် သောမတ်စ်ဖရန့်လက်အောက်မှာ စပါးအသင်းက ယုံကြည်မှု ပိုရှိလာတဲ့ပုံပါပဲ။ PSG လို အသင်းမျိုးကို နှစ်ဂိုးပြတ်ဦးဆောင်ပြီးမှ ပယ်နယ်တီနဲ့ ရှုံးရတာက အသင်းမာကျောမှုကို ပြသနေပါ တယ်။ စကော့ပါကားလက်ထဲက တန်းတက်ကလပ် ဘန်လေအသင်းက ဈေးကွက်မှာ ကစားသမားသစ် ၁၃ ဦးလောက် ခေါ်ထားပါတယ်။ ဘန်လေအသင်း အထိုင်ကျဖို့လိုနိုင်လို့ စပါး ဂိုးပြတ်၊ မပြတ်ပဲ ကြည့်ရမယ်။

♦ ဝုလ်ဗ် – မန်စီးတီး (မြန်မာစံတော်ချိန် ည ၁၁ နာရီ)

ဝုလ်ဗ်အသင်း ကူညာ၊ နူရီတို့ကို လက်လွှတ်ခဲ့ရပြီး နူရီကတော့ အသင်းဟောင်းကို ပြန်လည်ရင်ဆိုင် ရမှာပါ။ ဂွါဒီယိုလာရဲ့မန်စီးတီးပြုပြင်ပြောင်းလဲရေးက ဘယ်လောက်အထိ အလုပ်ဖြစ်မလဲ စောင့်ကြည့်ရမယ်။ ဝုလ်ဗ်အသင်းမှာ ကူညာ ထွက်သွားပေမဲ့ တိုက်စစ်ပိုင်းအားဖြည့်မှုက ကောင်းပါတယ်။
မန်စီးတီး ဂိုးတော့မပြတ်လောက်ဘူး။

♦ အခြားပွဲစဉ်များ

ဘရိုက်တန် – ဖူလ်ဟမ်
ဆန်းဒါးလန်း – ဝက်စ်ဟမ်း