တံကောက်ကြောဒဏ်ရာရခဲ့တဲ့ ဘရာဇီးလ်တိုက်စစ်ကစားသမား ရာဖင်ညာဟာ ရက်သတ္တပတ် လေးပတ်ကနေ ငါးပတ်အထိ အနားယူရ
တော့မယ်လို့ သိရပါတယ်။
ရာဖင်ညာ(၂၉ နှစ်)ဟာ ပြင်သစ်နဲ့ ခြေစမ်းပွဲမှာ ဒဏ်ရာရခဲ့တာဖြစ်ပြီး ပထမပိုင်းအပြီးမှာပဲ လူစားလဲခံခဲ့ရပါတယ်။
ဘရာဇီးလ်အသင်းဆေးအဖွဲ့ကလည်း ရာဖင်ညာ ညာဘက်တံကောက်ကြောဒဏ်ရာရခဲ့တယ်လို့ အတည်ပြုခဲ့ပါတယ်။
၎င်းဟာ ဘာစီလိုနာကိုပြန်ကာ ကုသမှု ခံယူမှာဖြစ်ပြီး လာမယ့်မေလရောက်မှ အသင်းအတွက် ပြန်လည်ကစားနိုင်ပါလိမ့်မယ်။
ရာဖင်ညာအနေနဲ့ အက်သလက်တီကိုနဲ့ သုံးပွဲ(ချန်ပီယံလိဂ် နှစ်ကျော့၊ လာလီဂါ တစ်ပွဲ)အပါအဝင် ခြောက်ပွဲခန့် လွဲချော်ရနိုင်ပါတယ်။
ဒါ့အပြင် ဘာစီလိုနာအသင်း ချန်ပီယံလိဂ် ဆီမီးဖိုင်နယ် တက်ရောက်ခဲ့ရင် ပထမအကျော့ကိုလည်း လွဲချော်ဖို့ ရှိနေပါတယ်။
ရာဖင်ညာဟာ ယခုရာသီအတွင်း ညာဘက်တံကောက်ကြော တတိယအကြိမ်မြောက် ဒဏ်ရာရခဲ့တာဖြစ်ပါတယ်။
