ရှောင်အိုမာလီက ဆောင်းယာဒေါင်းနဲ့ ထိုးသတ်ဖို အသင့်ရှိနေပါတယ်။
ဒီနှစ်အစောပိုင်းမှာတော့ ဘဲန်တန်ဝိတ်ချန်ပီယံဟောင်း အိုမာလီဟာ UFC 316 ပြိုင်ပွဲမှာ မီရက်ဒ် ဒ်ဗါလီရှ်ဗီလီနဲ့ ထိုးသတ်ပြီး ချန်ပီယံဆုကို ပြန်လည်ရယူဖို ကြိုးစားခဲ့ပါတယ်။ ဒါပေမဲ့ အိုမာလီအတွက် ဒီတစ်ကြိမ်မှာ ပိုပြီး အခြေအနေဆိုးသွားခဲ့ပြီး ဒ်ဗါလီရှ်ဗီလီက တတိယအချီမှာပဲ အိုမာလီကို အနိုင်ယူလိုက်တာကြောင့် သူတိုနှစ်ဦးရဲ့ ပြိုင်ဆိုင်မှုက အပြီးတိုင် ပြီးဆုံးသွားခဲ့ပါတယ်။

အိုမာလီဟာ အခုဆိုရင် ဘဲန်တန်ဝိတ် ချန်ပီယံဆု လမ်းကြောင်းကနေ အတော်လေး ဝေးကွာနေပါပြီ။ သူ့အတွက် ဖြစ်နိုင်ခြေရှိတဲ့ ပြိုင်ဘက်အချို ပေါ်ပေါက်လာခဲ့ပေမဲ့ “သကြားလုံး” လို လူသိများတဲ့ အိုမာလီရဲ့ စိတ်ဝင်စားမှုကို ဆောင်းယာဒေါင်းက ရရှိခဲ့ပုံရပါတယ်။
“လူတိုင်းက ဆောင်းယာဒေါင်းနဲ့ သကြားလုံးတို ဒီဇင်ဘာ ၆ ရက်နေ့မှာ ထိုးမယ်ဆိုပြီး စာတွေ၊ ရုပ်ပုံတွေ ကျွန်တော့်ဆီ ပိုနေကြတယ်။ တချိုကလည်း ‘ဂုဏ်ယူပါတယ်၊ လေ့ကျင့်ရေးက ဘယ်တော့ စမှာလဲ’ စသဖြင့် ပြောကြတယ်။ အဲဒါ စတင်ခဲ့တာက… တရုတ်နိုင်ငံမှာ ပွဲစဉ်တွေရှိတုန်းက ဆောင်းက မီရက်ဘ်နဲ့ ဓာတ်ပုံရိုက်ပြီး ကျွန်တော်နဲ့ နောက်ပွဲမှာ ထိုးမယ်လို ပြောခဲ့တာကြောင့်လို ကျွန်တော် ယူဆပါတယ်” လို အိုမာလီက သူ့ရဲ့ ယူကျူ့ချန်နယ်မှာ ပြောခဲ့ပါတယ်။

“ရိုးရိုးသားသားပြောရရင် အစီအစဉ်က ဘာလဲဆိုတာ ကျွန်တော်မသိသေးဘူး။ ကျွန်တော့်ဘက်က တရားဝင် ဘာမှ မရှိသေးဘူး။ ဘယ်သူနဲ့၊ ဘယ်အချိန်၊ ဘယ်နေရာမှာ ထိုးမယ်ဆိုတာနဲ့ ပတ်သက်ပြီး UFC နဲ့ အတိအကျ စကားမပြောရသေးဘူး။ ဒါပေမဲ့ ဆောင်းက နောက်လာမယ့်ပြိုင်ဘက်အနေနဲ့ အရမ်းကောင်းမွန်ပုံရတယ်။ အဓိပ္ပာယ်ရှိတယ်။ ကျွန်တော် ဒီပွဲစဉ်ကို ကြိုက်တယ်။ ကောင်းမွန်ပုံရတယ်” လို သူက ဆက်ပြောပါတယ်။

လက်ရှိ UFC ဘဲန်တန်ဝိတ် အဆင့်သတ်မှတ်ချက်မှာ နံပါတ် ၅ နေရာမှာရှိတဲ့ ဆောင်းက UFC ဆီယက်တဲလ်မှာ ဟင်နရီ ဆီဂျူဒိုကို ထူးဆန်းတဲ့ အနိုင်ပွဲတစ်ခုနဲ့ အနိုင်ရရှိခဲ့ပါတယ်။ အဲဒီပွဲမှာ ဆီဂျူဒိုက မျက်လုံးကို ထိုးမိပြီး ဆက်လက်မထိုးသတ်နိုင်တော့တာကြောင့် ဆောင်းက နည်းပညာပိုင်းဆိုင်ရာ ဆုံးဖြတ်ချက်နဲ့ အနိုင်ရခဲ့တာပါ။ အဲဒီမတိုင်ခင်က ဆောင်းဟာ ၂၀၂၄ ခုနှစ်မှာ ပီတာ ယန်ကို အမှတ်နဲ့ ရှုးနိမ့်ထားပါတယ်။ ဒါကြောင့် ဒီနှစ်ဦးစလုံးဟာ လက်ရှိ ချန်ပီယံဆု လမ်းကြောင်းကနေ လွတ်မြောက်နေတာကြောင့် သူတိုနှစ်ဦးကြားက ပွဲစဉ်က အဓိပ္ပာယ်ရှိနိုင်ပါတယ်။ အိုမာလီကလည်း ဒီပွဲစဉ်ကို အချိန်မရွေး ကြိုဆိုနေပါတယ်။

“ပွဲရက်နဲ့ပတ်သက်ပြီး ဒီဇင်ဘာ၊ ဇန်နဝါရီ၊ ဖေဖော်ဝါရီ၊ နိုဝင်ဘာလဖြစ်ဖြစ်၊ ကျွန်တော် အသင့်ရှိပါတယ်။ ကျွန်တော် အသင့်ပဲ။ နောက်အပတ်မှာ ကျွန်တော့်ကို ခေါ်လိုက်ရင်တော့ အချိန် အရမ်းတိုလွန်းတယ်လို ကျွန်တော်ပြောမိမှာပါ။ ဒါပေမဲ့ ဒီပွဲစဉ်ကိုတော့ ကျွန်တော် သဘောကျတယ်။ ဒါက အဓိပ္ပာယ်ရှိတယ်။ ကျွန်တော် ကျန်းမာနေတယ်၊ နေလိုကောင်းတယ်၊ ပေါက်ကွဲထွက်မတတ် လေ့ကျင့်နေတယ်။ ကျွန်တော် ဒီပွဲစဉ်ကို အရမ်းသဘောကျတယ်။ ဒါကြောင့် ကျွန်တော်နဲ့ ဆောင်းရဲ့ပွဲက နောက်ပွဲဆိုရင် အရမ်းကောင်းပါတယ်။”