ဂွာဒီယိုလာ၊ မန်စီးတီးတစ်ခေတ်နဲ့ နည်းပြလောကရဲ့ GOAT
ဂွာဒီယိုလာက သူ့ကိုယ်သူ ဆာအဲလက်စ်ဖာဂူဆန်နဲ့ ခိုင်းနှိုင်းလိုက်တယ်။ တစ်ချိန်တုန်းက ပရီးမီးယားလိဂ်ကို သက်ဦးဆံပိုင်ဘုရင်တစ်ပါးလို အုပ်စိုးခဲ့တဲ့ ဆာအဲလက်စ်ဖာဂူဆန်နဲ့ မန်ချက်စတာယူနိုက်တက်ဘ၀မျိုး သူတို့စံမြန်းခွင့် ရနေပြီလို့ ဂွာဒီယိုလာ ခိုင်မာစွာ ယုံကြည်နေတာပါပဲ။
မန်ချက်စတာရဲ့ အနီရောင်တစ်ခေတ်ကနေ မန်ချက်စတာရဲ့ မိုးပြာရောင်တစ်ခေတ်ဆီ ရွေ့လျားခဲ့ပုံဟာ ဒရမ်မာသိပ်ဆန်ပါတယ်။
အဂွဲရိုးရဲ့၂၀၁၁ ခုနှစ်က နောက်ကျသွင်းဂိုးဟာ မန်ချက်စတာမြို့ရဲ့ ဇာတ်ညွှန်းအပြောင်းအလဲ အတွက် သိပ်ပြီးအရေးပါတဲ့ နောက်ဆုံးပြကွက်ပဲ။ ဇာတ်လမ်းတွဲတစ်ခုရဲ့ Season တစ်ခုကနေ Season တစ်ခုဆီ အကူးအပြောင်းမှာ ကြည့်ရှုသူပရိသတ် ရင်တမမဖြစ်အောင် မျှော်တလင့်လင့်ဖြစ်အောင် ဖမ်းစားလိုက်တာနဲ့ ဆင်တူတယ်။ အဂွဲရိုးက အနာဂတ်ပရီးမီးယားလိဂ် Season မှာ မန်စီးတီးဟာ အဓိကဇာတ်ကောင်တွေဖြစ်ကြောင်း နိမိတ်ဖတ်ခဲ့တာပါပဲ။
မန်စီးတီးက ပရီးမီးယားလိဂ်ရဲ့ ဒုတိယအအောင်မြင်ဆုံးအသင်းဖြစ်လာခဲ့ပြီးပြီ။ ဖလားသုံးလုံးအောင်ပွဲ ပိုင်ရှင်ဖြစ်လာခဲ့ပြီးပြီ။
လေးရာသီဆက်ပရီးမီးယားလိဂ်ချန်ပီယံ ဖြစ်လာခဲ့ပြီးပြီ။ ဖီဖာကလပ်ကမ္ဘာ့ဖလားကို နမ်းရှိုက်ခွင့်ရပြီးပြီ။
မြို့ခံပြိုင်ဘက်မန်ချက်စတာယူနိုက်တက်ကို ဒဏ္ဍာရီထဲ ထားခဲ့ပြီး မန်ချက်စတာရဲ့ အရှင်သခင်အဖြစ်
မော်ကြွားနေပါတယ်။
တကယ်ဆိုရင် ဂွာဒီယိုလာက ဆာအဲလက်စ်ဖာဂူဆန်ထက် ဂန္ထဝင်ပိုဆန်သူပါ။ ဂွာဒီယိုလာကို GOAT အဖြစ် သတ်မှတ်ရတာ
ဆုဖလားအောင်ပွဲတွေကြောင့်ပဲ မဟုတ်ဘူး။
သူဟာ ဘောလုံးလောကရဲ့ ချေဂွေးဗားရားဖြစ်နေလို့ပဲ။ ဂွာဒီယိုလာရဲ့ နည်းဗျူဟာနဲ့ အတွေးအခေါ် တော်လှန်ရေးဟာ
ခေတ်ပေါ် ဘောလုံးလောကကို အများကြီးပြောင်းစေခဲ့တယ်
