နာမည်ကျော် ပြင်သစ်ကွင်းလယ်ကစားသမား ပေါလ်ပေါ့ဘာဟာ အခုတစ်ပတ် ယှဥ်ပြိုင်မယ့် ပြင်သစ်လီဂူးပွဲမှာ မိုနာကိုအသင်းအတွက် ပွဲဦးထွက်အဖြစ် ယှဥ်ပြိုင်ကစားဖွယ်ရှိနေကြောင်း သိရပါတယ်။
ပေါ့ဘာ( ၃၂ နှစ်) ဟာ ၂၀၁၆ ခုနှစ်မှာ ဂျူဗင်တပ်စ်ကနေ မန်ယူကို ကမ္ဘာ့စံချိန်တင်ပြောင်းရွှေ့ကြေးနဲ့ ပြောင်းရွှေ့ခဲ့ဖူးသူဖြစ်ပြီး ကမ္ဘာ့အကောင်းဆုံး ကွင်းလယ်ကစားသမားတစ်ဦးအဖြစ်လည်း ညွှန်းဆိုခံခဲ့ရဖူးပါတယ်။
ဒါပေမဲ့ ဂျူဗင်တပ်စ်အသင်းကို တစ်ကျော့ပြန်ရောက်ရှိချိန်မှာ ဒဏ်ရာပြဿနာတွေနဲ့ ရုန်းကန်ခဲ့ရသလို၊ တားမြစ်ဆေးပြဿနာနဲ့လည်း ရင်ဆိုင်ခဲ့ရပြီး ကာလရှည်ပွဲပယ်ပြစ်ဒဏ်ကျခံခဲ့ရတာကြောင့် ကစားသမားဘဝ အဆုံးသတ်လုနီးပါး ဖြစ်ခဲ့ရပါတယ်။
မိုနာကိုအသင်းက ပြီးခဲ့တဲ့နွေရာသီမှာ ၂၀၂၇ ခုနှစ်အထိ စာချုပ်ချုပ်ဆိုပြီး ခေါ်ယူထားပေမဲ့ လက်ရှိအချိန်အထိ ကစားခွင့်မရသေးတာကြောင့် ပေါ့ဘာအနေနဲ့ ပွဲကစားခွင့်မရတာ ၂၆ လ ကြာမြင့်နေပြီဖြစ်ကြောင်း သိရပါတယ်။
လက်ရှိအချိန်မှာတော့ သူ့ရဲ့ကြံ့ခိုင်မှုက တိုးတက်ကောင်းမွန်လာပြီဖြစ်တာကြောင့် ရန်းစ်အသင်းနဲ့ ယှဥ်ပြိုင်မယ့်ပွဲမှာ ပါဝင်ကစားခွင့်ရဖွယ်ရှိကြောင်း L’ Equipe က ဖော်ပြခဲ့ပါတယ်။
