ကမ္ဘာ့ဖလားအုပ်စုအဖွင့်ပွဲနဲ့ စီရော်နယ်လ်ဒို လွဲချော်နိုင်သလား
ပေါ်တူဂီလက်ရွေးစင်အသင်းခေါင်းဆောင် စီရော်နယ်လ်ဒိုဟာ အိုင်ယာလန်ကို ဝ-၂ ဂိုးနဲ့ အရေးနိမ့်ခဲ့တဲ့ပွဲမှာ ပြသခံရတဲ့ အနီကတ်ကြောင့် ခြေစစ်ပွဲအောင်ခဲ့ရင် အနည်းဆုံး ၂၀၂၆ ကမ္ဘာ့ဖလားပြိုင်ပွဲ အုပ်စုအဖွင့်ပွဲကို လွဲချော်ဖို့ရှိနေပါတယ်။
၎င်းဟာ အိုင်ယာလန်ကစားသမား ဒါရာအိုရှေးရဲ့ကျောကို နောက်ကနေ ပခုံးနဲ့တိုက်ခဲ့လို့ အနီကတ်ပြသခံခဲ့ရတာဖြစ်တယ်။
ကနဦး အဝါကတ်သာ ပြသခံရပေမဲ့ VAR ပြန်ကြည့်ပြီးနောက် အနီကတ်အဖြစ် ပြောင်းလဲသွားခဲ့ရတယ်။
စီရော်နယ်လ်ဒိုအနေနဲ့ အနီကတ်ပြစ်ဒဏ်အရ ကနဦး အာမေးနီးယားနဲ့ ခြေစစ်ပွဲ အုပ်စုနောက်ဆုံးပွဲကို လွဲချော်ရမှာပါ။
ဒါပေမဲ့ အနည်းဆုံး နိုင်ငံတကာပွဲ နှစ်ပွဲပယ်ပြစ်ဒဏ် ကျခံရနိုင်တယ်လို့လည်း သတင်းတွေ ထွက်နေပါတယ်။
FIFA စည်းကမ်းထိန်းသိမ်းရေးကော်မတီက အရေးယူမှုကိုတော့ စောင့်ကြည့်ရဦးမှာဖြစ်တယ်။
အခုဖြစ်စဉ်ဟာ အကြမ်းဖက်အပြုအမူ ခေါင်းစဉ်အောက်ရောက်နေပြီး ဥပဒေအရတော့ အနည်းဆုံး သုံးပွဲနဲ့အထက် ပွဲပယ်ခံရမှာဖြစ်ပါတယ်။
