မန်စီးတီးအသင်းနည်းပြ ဂွာဒီယိုလာက အာဆင်နယ်အသင်းနဲ့ လိဂ်ဖလားဖိုင်နယ်ပွဲမှာ
နောက်ခံလူ ဂူဟီပါဝင်ကစားခွင့်ရအောင် ကြိုးပမ်းသွားဖွယ်ရှိပါတယ်။
ခရစ္စတယ်ပဲလေ့စ်အသင်းကနေ မန်စီးတီးအသင်းကို ရောက်လာတဲ့ ဂူဟီက
လိဂ်ဖလားကစားခွင့်ရအောင် လိဂ်ဖလားဆီမီးဖိုင်နယ်မတိုင်ခင် မှတ်ပုံတင်ရမှာဖြစ်ပေမယ့်
မလုပ်နိုင်ခဲ့လို့ စည်းမျဉ်းအရ ကစားခွင့်မရပါဘူး။
ဂူဟီမတိုင်ခင် မန်စီးတီးအသင်း ခေါ်ယူခဲ့တဲ့ ဆီမန်ညိုကတော့ လိဂ်ဖလားဆီမီးဖိုင်နယ်မတိုင်ခင် ကစားခွင့်မှတ်ပုံတင်ခဲ့လို့ ကစားခွင့်ရခဲ့ပါတယ်။
ဂွာဒီယိုလာက ငွေကုန်ခံပြီး ခေါ်ယူထားတဲ့ ကစားသမားတစ်ဦးကို သုံးခွင့်မရတာဟာ
အဓိပ္ပာယ်မရှိဘဲ စည်းမျဉ်းတွေပြောင်းလဲသင့်တယ်လို့ ပြောခဲ့ပါတယ်။
မန်စီးတီးအသင်းက မတ်လ (၂၂)ရက်မှာ အာဆင်နယ်အသင်းနဲ့ လိဂ်ဖလားဖိုင်နယ်ကစားရမှာလည်း ဖြစ်ပါတယ်။
