PSG အသင်းဟာ ဘာစီလိုနာအသင်းက အကယ်ဒမီကစားသမား ဒရိုဖာနန်ဒက်ဇ်ကို အသင်းကစားသမားသစ်
အဖြစ် တရားဝင်မိတ်ဆက်ခဲ့ပါတယ်။
ဒရိုဖာနန်ဒက်ဇ်(၁၈ နှစ်)ဟာ PSG အသင်းနဲ့ ၂၀၃၀ ခုနှစ်အထိ စာချုပ်ချုပ်ဆိုခဲ့တာပါ။
သူ့ရဲ့ပြောင်းရွှေ့ကြေးကတော့ ယူရို ရှစ်သန်းဝန်းကျင်ရှိမယ်လို့ သတင်းတွေက ဖော်ပြခဲ့ကြပါတယ်။
၎င်းဟာ နွေရာသီကာလ အာရှခရီးစဉ်မှာ ပါဝင်ခဲ့ပြီး အသင်းကြီးနဲ့အတူ အခုရာသီ လာလီဂါနဲ့ ချန်ပီယံလိဂ်မှာ
ပွဲဦးထွက်ခွင့် ရခဲ့ပါတယ်။
ဒရိုဖာနန်ဒက်ဇ်က ပွဲကစားခွင့်ပိုရရေးအတွက် အသင်းပြောင်းတော့မယ်လို့ ပြောကြားခဲ့ပြီးနောက် သူ့ရဲ့ဆန္ဒကို
အကောင်အထည် ဖော်ခဲ့တာပါ။
ဥရောပထိပ်တန်းကလပ်တွေက သူ့ကို စိတ်ဝင်စားခဲ့ကြပေမဲ့ PSG က လက်ဦးမှု ရယူနိုင်ခဲ့တာဖြစ်ပါတယ်။
