အာဆင်နယ်အသင်းနည်းပြ အာတေတာက ပြိုင်ပွဲတိုင်းမှာ မိမိတို့ လိုချင်တဲ့နေရာ အတိအကျရှိတယ်လို့ ပြောကြားခဲ့ပါတယ်။
၎င်းက ဇယားအောက်ဆုံးက ဝုလ်ဗ်အသင်းနဲ့ နှစ်ဂိုးစီသရေကျပြီးနောက် ဝေဖန်မှုတွေကို အခုလို တုံ့ပြန်ခဲ့တာဖြစ်တယ်။
အာဆင်နယ်အသင်းဟာ ဒုတိယနေရာက မန်စီးတီးကို တစ်ပွဲပို ငါးမှတ်ဖြတ်ထားလို့ ကိုယ့်ကြမ္မာကိုယ်ဖန်တီးခွင့်တော့ ရှိနေဆဲပါပဲ။
”လူတိုင်းမှာ သူတို့ရဲ့ကိုယ်ပိုင်ထင်မြင်ယူဆချက်ရှိတယ်လို့ ယူဆပါတယ်။ သူတို့ရဲ့ရှုထောင့်က မှန်ကန်တဲ့အရာတစ်ခုပါ။ ကျွန်တော်တို့
ကိုယ်တိုင်မှာလည်း အလွန်ရှင်းလင်းတဲ့ ညွှန်ကြားချက် ရှိပါတယ်။ ကျွန်တော်တို့ ပစ္စပ္ပုန်နဲ့ ရှင်သန်ရမယ်။ အတိတ်မှာ ကျွန်တော်တို့ လုပ်
ဆောင်ခဲ့တဲ့ တကယ်ကောင်းပေမဲ့ ပစ္စပ္ပုန်နဲ့ပဲ ရှင်သန်ရပါမယ်။ ပစ္စပ္ပုန်က လှပပါတယ်။ ပြိုင်ပွဲတိုင်းမှာ ကျွန်တော်တို့ လိုချင်တဲ့နေရာ
အတိအကျ ရှိပါတယ်။ ဒါပေမဲ့ ပွဲများစွာ ကစားဖို့ ကျန်နေသေးတယ်။ နောက်ဆုံး ခုနစ်လ သို့မဟုတ် ရှစ်လမှာ ကျွန်တော် လုပ်ခဲ့တာလိုမျိုး
ပြန်ရဖို့ လိုပါတယ်”လို့ အာတေတာက ပြေခဲ့ပါတယ်။
အာဆင်နယ်အသင်းဟာ ရာသီကုန် ဖလားလေးလုံးလမ်းကြောင်းပေါ် ရပ်တည်နေတာဖြစ်ပါတယ်။
ပရီးမီးယားလိဂ်မှာ ဇယားထိပ်ဆုံး၊ လိဂ်ဖလားမှာ ဗိုလ်လုပွဲ၊ FAဖလားမှာ ပဉ္စမအဆင့်၊ ချန်ပီယံလိဂ်မှာ ဇယားထိပ်ဆုံးနေရာနဲ့ ၁၆ သင်းအဆင့်
ရောက်ရှိထားပါတယ်။
