လီဗာပူးလ်နည်းပြ အာနယ်ဆလော့က နော်တင်ဟမ်ဖောရက်စ်ကို (၁-၀)ဂိုးနဲ့ အနိုင်ရခဲ့ပေမဲ့ ခြေစွမ်းအရ သရေရလဒ်သာ ရရှိခဲ့သင့်ကြောင်း ဝန်ခံပြောကြားခဲ့ပါတယ်။
မနေ့က ယှဉ်ပြိုင်ခဲ့တဲ့ ပရီးမီးယားလိဂ်ပွဲစဉ်မှာ လီဗာပူးလ်က နော်တင်ဟမ်ဖောရက်စ်ကို ပွဲချိန် ၉၀+၇ မိနစ်မှာ အယ်လစ္စတာ သွင်းယူတဲ့ နောက်ကျဂိုးနဲ့ အနိုင်ရခဲ့တာပါ။
ဒါပေမဲ့ အာနယ်ဆလော့က အသင်းရဲ့ခြေစွမ်းက ကစားခဲ့သမျှ အညံ့ဆုံးခြေစွမ်းဖြစ်ပြီး (၃)မှတ်ရဖို့ မထိုက်တန်ခဲ့ကြောင်း ပြောကြားခဲ့ပါတယ်။
”ပထမပိုင်းကစားပုံက တကယ့်ကို ဆိုးရွားပါတယ်။ လက်ရှိအချိန်အထိ ကစားခဲ့သမျှထဲ အည့ံဖျင်းဆုံးလို့ ကျွန်တော် ထင်ပါတယ်။ ဒါပေမဲ့ ဒုတိယပိုင်းမှာတော့ ပိုကောင်းလာပြီး ပွဲကိုလည်း ပိုပြီးထိန်းချုပ်လာနိုင်ခဲ့ပါတယ်။ ကျွန်တော်တို့ ကောင်းမွန်တဲ့ စွမ်းဆောင်ရည်တစ်ခုကနေ ဂိုးသွင်းနိုင်ခဲ့ပေမဲ့ ထိုက်တန်တာထက် ပိုရခဲ့တယ်လို့ ထင်ပါတယ်။ ကျွန်တော်တို့ အနိုင်ရတာထက် သရေကျတာက ပိုပြီးတရားမျှတလိမ့်မယ်လို့ ထင်ပါတယ်” လို့ အာနယ်ဆလော့က ပြောကြားခဲ့ပါတယ်။
လီဗာပူးလ်အသင်းဟာ ပရီးမီးယားလိဂ်မှာ ၂၀၂၆ ခုနှစ်အတွင်း ပထမဆုံးအကြိမ်အဖြစ် နှစ်ပွဲဆက်အနိုင်ရရှိအောင် စွမ်းဆောင်နိုင်ခဲ့တာဖြစ်ပြီး ချန်ပီယံလိဂ်ဝင်ခွင့်အတွက် မျှော်လင့်ချက်ပိုရှိလာခဲ့ပါတယ်။
