ကာဂလီယာရီ – လက်ချီ (ဖေဖော်ဝါရီ ၁၇ ရက်နေ့ နံနက် ၂း၁၅ နာရီ)
ကာဂလီယာရီက ရိုးမားနဲ့ပွဲမှာ နိုင်ပွဲဆက်မှု ရပ်တန့်ခဲ့ရပေမဲ့ ခြေစွမ်းအတက်ဘက်ရောက်နေချိန်လို့ ဆိုရမှာပါ။ လက်ချီကတော့ ပြီးခဲ့တဲ့ပွဲစဉ်မှာမှ (၈)ပွဲဆက် နိုင်ပွဲပျောက်မှုကို အဆုံးသတ်နိုင်ခဲ့တာပါ။ လက်ချီက တန်းဆင်းဇုန်က လွတ်မြောက်ဖို့ အမှတ်ပိုလိုနေပေမဲ့ လက်ရှိခြေစွမ်းအရတော့ ကာဂလီယာရီကွင်းမှာ အရှုံးပေးရဖို့ပဲ များပါတယ်။
ဂျီရိုနာ – ဘာစီလိုနာ (ဖေဖော်ဝါရီ ၁၇ ရက်နေ့ နံနက် ၂း၃၀ နာရီ)
လာလီဂါအမှတ်ပေးဇယားထိပ်ဆုံးနေရာကို ပြန်လည်ရယူနိုင်ဖို့ ဘာစီလိုနာအသင်း အနိုင်ကစားရမယ့်ပွဲဖြစ်ပြီး ဂျီရိုနာကလည်း တန်းဆင်းအန္တရာယ်အတွက် အမှတ်လိုနေပါတယ်။ ဂျီရိုနာက အိမ်ကွင်းနောက်ဆုံး(၈)ပွဲမှာ တစ်ပွဲသာရှုံးနိမ့်ထားပြီး ရီးယဲလ်ကို သရေကစားထားတာကြောင့် ဘာစီလိုနာအသင်း ပေါ့ဆလို့တော့ မရပါဘူး။ ဘာစီလိုနာအသင်း ကပ်နိုင်ရုံလောက်ပဲ ဖြစ်မယ်ထင်တယ်။
မက်ကယ်စ်ဖီးလ် – ဘရန့်ဖို့ဒ် (ဖေဖော်ဝါရီ ၁၇ ရက်နေ့ နံနက် ၂းဝ၀ နာရီ)
မက်ကယ်စ်ဖီးလ်က ပရီးမီးယားလိဂ်အောက် (၅)ဆင့်နိမ့်တဲ့ National League North ကအသင်းဖြစ်ပြီး ပြီးခဲ့တဲ့အဆင့်မှာ ခရစ္စတယ်ပဲလေ့စ်ကို အနိုင်ယူကာ စတုတ္ထအဆင့် ရောက်လာတာပါ။ မက်ကယ်စ်ဖီးလ်အသင်း စိတ်ဓာတ်တက်ကြွနေနိုင်ပေမဲ့ အံ့အားသင့်စရာတွေ ထပ်လုပ်ပြနိုင်ဖို့ မလွယ်တော့ပါဘူး။ ဂရုတစိုက်ကစားမယ့် ဘရန့်ဖို့ဒ်အသင်း အနိုင်ယူမှာပါ။
