ဘာစီလိုနာအသင်းနည်းပြ ဟန်ဆီဖလစ်ခ်က အခုဇန်နဝါရီအပြောင်းအရွှေ့ကာလမှာ နောက်ခံလူတစ်ဦး ခေါ်ယူဖို့
လိုအပ်ကြောင်း ဝန်ခံခဲ့ပါတယ်။
ဘာစီလိုနာအသင်းဟာ အခုရာသီ လာလီဂါ ၁၈ ပွဲမှာ ဂိုး ၂၀ ပေးထားခဲ့ရတာပါ။
ဒါဟာ ထိပ်ဆုံးခုနစ်သင်းထဲမှာ ဂိုးအများဆုံးပေးခဲ့ရတဲ့အသင်းလည်း ဖြစ်နေတယ်။
ဒါ့အပြင် ချန်ပီယံလိဂ် ခြောက်ပွဲ ကစားထားရာမှာလည်း ၁၁ ဂိုးအထိ ပေးခဲ့ရတယ်။
ဘာစီလိုနာအသင်းမှာ ခရစ္စတန်ဆင် ပြီးခဲ့တဲ့ ဒီဇင်ဘာလက ဒူးအရွတ်ဒဏ်ရာ ရခဲ့ပြီး အာရူဟိုကိုလည်း စိတ်
ကျန်းမာရေးအခြေအနေကြောင့် တစ်လလောက် အနားပေးခဲ့ရတယ်။
ဒါကြောင့် နည်းပြ ဟန်ဆီဖလစ်ခ်အနေနဲ့ ဆယ်ကျော်သက် ကူဘာဆီကို ဘယ်နောက်ခံလူ ဂျရတ်မာတင်နဲ့ နောက်ခံအတွင်းနေရာမှာ တွဲကစားစေခဲ့ရပါတယ်။
