မန်စီးတီးအသင်းနည်းပြ ဂွါဒီယိုလာက ကွင်းလယ်လူ ရိုဒရီကို ဘောလုံးပြန်ကစားနိုင်မယ့်အချိန်ကို သေချာမသိဘူးလို ပြောခဲ့ပါတယ်။
ရိုဒရီ(၂၉ နှစ်)ဟာ နိုင်ငံတကာရက်သတ္တပတ်မတိုင်ခင် ဘရန့်ဖိုဒ်နဲ့ပွဲမှာ တံကောက်ကြောအနည်းငယ်နာကျင်လို ၂၂ မိနစ်မှာပဲ လူစားလဲခံခဲ့ရပါတယ်။
၂၀၂၄ Ballon d’Or ဆုရှင် ရိုဒရီဟာ ပြီးခဲ့တဲ့
ရာသီက ဒူးအရွတ်ဒဏ်ရာရခဲ့လို ကာလအတန်ကြာ အနားယူခဲ့ရပါတယ်။
ရိုဒရီဟာ အခုရာသီမှာ မန်စီးတီးအသင်းအတွက် ပြိုင်ပွဲစုံ ခုနစ်ပွဲ ကစားပေးခဲ့ပါတယ်။
ဒါပေမဲ့ ပွဲချိန် မိနစ် ၉၀ ပြည့်ကစားနိုင်တဲ့
ပွဲအရေအတွက်က နှစ်ပွဲသာ ရှိခဲ့တာပါ။
ဂွါဒီယိုလာက မန်စီးတီးအသင်းမှာ ကိုဗာချစ် ပြန်လည်ကစားနိုင်တော့မှာဖြစ်ပြီး မာမွတ်ရှ်နဲ့ နူရီ
တိုကတော့ အသင်းနဲ့ လေ့ကျင့်ခန်းပြန်ဆင်းနေပြီလို ပြောခဲ့ပါတယ်။
