အာဆင်နယ်အသင်းရဲ့ လူငယ်ကြယ်ပွင့်ကစားသမား နွမ်နယ်ရီဟာ သြဂုတ် ၈ ရက် ညပိုင်းမှာ အသင်းနဲ့ ကာလရှည်စာချုပ်သစ် ချုပ်ဆိုလိုက်ပြီဖြစ်ပါတယ်။
အသက် ၁၈ နှစ်သာရှိသေးတဲ့ နွမ်နယ်ရီဟာ ပြီးခဲ့တဲ့ရာသီမှာ စီနီယာအသင်းအတွက် ခြေစွမ်းပြကစားနိုင်ခဲ့ပြီး ပြိုင်ပွဲစုံ ၃၇ ပွဲကစား၊ ၉ ဂိုး သွင်းယူပေးနိုင်ခဲ့သူဖြစ်ပါတယ်။
သူဟာ ၂၀၂၂ ခုနှစ် စက်တင်ဘာမှာ အာဆင်နယ်အသင်းအတွက် ပထမဆုံးကစားခွင့်ရခဲ့ပြီး အဲဒီအချိန်တုန်းက ၁၅ နှစ်၊ ၁၈၁ ရက်ပဲ ရှိသေးတာကြောင့် ပရီးမီးယားလိဂ်သမိုင်းတစ်လျှောက် အသက်အငယ်ဆုံး ပွဲကစားခွင့်ရသူအဖြစ် စံချိန်တင်ထားပါတယ်။
အာဆင်နယ်အသင်းက နွမ်နယ်ရီနဲ့ချုပ်ဆိုခဲ့တဲ့ စာချုပ်သက်တမ်းကို ထုတ်ပြန်ခြင်းမရှိပေမဲ့ ၅ နှစ်စာချုပ်ဖြစ်တယ်လို့ ဗြိတိန်သတင်းဌာနတွေက ဖော်ပြနေပါတယ်။
နွမ်နယ်ရီဟာ ပြီးခဲ့တဲ့ ၂၀၂၄-၂၅ ရာသီ PFA လူငယ်အကောင်းဆုံးကစားသမားဆု ဆန်ခါတင် ၆ ဦးစာရင်းမှာလည်း ပါဝင်ခဲ့ပါတယ်။
