ချယ်လ်ဆီးနည်းပြ မာရက်စကာက အနီကတ်ပြစ်ဒဏ်တွေနဲ့ ဆက်တိုက်ကြုံတွေ့နေရပေမဲ့ စိုးရိမ်စရာမရှိဘူးလို ပြောကြားခဲ့ပါတယ်။
ချယ်လ်ဆီးအသင်းဟာ နောက်ဆုံးယှဉ်ပြိုင်ကစားခဲ့တဲ့ ပြိုင်ပွဲစုံ(၄)ပွဲအနက် (၃)ပွဲမှာ အနီကတ်ပြစ်ဒဏ်နဲ့ ရင်ဆိုင်ခဲ့ရပြီး မန်ယူနဲ့ပွဲမှာ ဂိုးသမား ရောဘတ်ဆန်းချက်ဇ်၊ ဘရိုက်တန်နဲ့ပွဲမှာ နောက်ခံလူ ချာလိုဘာ၊ ဘင်ဖီကာနဲ့ပွဲမှာ တိုက်စစ်ကစားသမား ဂျော်အိုပတ်ဒရို(နှစ်ဝါ တစ်နီ)တို အနီကတ်ပြခံခဲ့ရတာပါ။
ဒါပေမဲ့ မာရက်စကာကတော့ ဒါဟာ ကစားသမားတွေရဲ့ စည်းကမ်းပိုင်းဆိုင်ရာပြဿနာမဟုတ်သလို၊ စိုးရိမ်ပူပန်စရာမဟုတ်ကြောင်း ပြောကြားခဲ့ပါတယ်။
ချယ်လ်ဆီးအသင်းဟာ ဘင်ဖီကာနဲ့ပွဲမတိုင်ခင်အထိ ကစားသမားတွေ အနီကတ်ပြခံခဲ့ရတဲ့ နောက်ဆုံးပွဲစဉ်(၄)ပွဲစလုံး ရှုးနိမ့်ခဲ့ပေမဲ့ ဘင်ဖီကာနဲ့ပွဲမှာတော့ အနိုင်ရရှိခဲ့ပါတယ်။
ဒါကြောင့် မာရက်စကာက ”အနည်းဆုံးတော့ အနီကတ်ပြခံရပြီးမှ ဘယ်လိုအနိုင်ယူရမလဲဆိုတာ ကျွန်တော်တို သင်ယူနိုင်ခဲ့ပါပြီ။ ဒါက ပထမဆုံးပွဲပါ။ နှစ်မိနစ်၊ သုံးမိနစ်လောက်ပဲ ကစားရပေမဲ့ပေါ့။ ဆန်းချက်ဇ်နဲ့ ချာလိုဘာတိုက ဂိုးပေါက်ကို ကာကွယ်ရင်း ဖြစ်ခဲ့တာပါ။ တစ်ခါတစ်ရံမှာ ဂိုးပေးလိုက်ရတာ၊ အခွင့်အရေးပေးလိုက်ရတာက ပိုကောင်းပါတယ်။ ဘာကြောင့်လဲဆိုတော့ (၁၁)ယောက်ချင်း ဆက်ပြီးယှဉ်ပြိုင်နိုင်လိုပါ။ ကျွန်တော့်အမြင်အရတော့ အနီကတ်တွေက စိုးရိမ်ပူပန်စရာမရှိပါဘူး” လို ပြောကြားခဲ့ပါတယ်။
