အင်္ဂလန်အသင်းနည်းပြ သောမတ်စ်တူဟယ်လ်က တိုက်စစ်ကစားသမား ရပ်ရှ်ဖိုဒ်ကို ကစားသမားဘ၀ စိတ်ပျက်စရာအခြေအနေနဲ့ အဆုံးမသတ်စေရေး သတိပေးခဲ့ပါတယ်။
ဒါ့အပြင် ၎င်းက ရပ်ရှ်ဖိုဒ်ရဲ့အလားအလာက အကန့်အသတ်မရှိဘူးလိုလည်း သုံးသပ်ခဲ့ပါတယ်။
ရပ်ရှ်ဖိုဒ်ဟာ လက်ရှိမှာ မန်ယူနိုက်တက်ကနေ ဘာစီလိုနာအသင်းထံ အငှားသွားကစားနေပြီး ၁၀ ပွဲကစား သုံးဂိုးသွင်းကာ ငါးဂိုးဖန်တီးခဲ့ပါတယ်။
ရပ်ရှ်ဖိုဒ်(၂၇ နှစ်)အနေနဲ့ အက်စတွန်ဗီလာကို အငှားသွားကစားချိန်မှာလည်း အထိုက်အလျောက်ခြေစွမ်းပြနိုင်ခဲ့ပါတယ်။
ဒါကြောင့် ပြီးခဲ့တဲ့မတ်လက ၂၀၂၄ ခုနှစ် မတ်လနောက်ပိုင်း ပထမဆုံးအဖြစ် အင်္ဂလန်အသင်းမှာ ပြန်လည်ရွေးချယ်ခံခဲ့ရပါတယ်။
အင်္ဂလန်အသင်းဟာ ယနေ့မှာ လတ်ဗီးယားအသင်းနဲ့ ခြေစစ်ပွဲအဝေးကွင်း ကစားရမှာပါ။
ဒီပွဲမှာ အနိုင်ရရုံနဲ့ ၂၀၂၆ ကမ္ဘာ့ဖလားပြိုင်ပွဲအတွက် ခြေစစ်ပွဲ အောင်မြင်ပါလိမ့်မယ်။
