ပရီးမီးယားလိဂ်ရဲ့ ဂန္ထဝင်တိုက်စစ်မှူး အလန်ရှီးယားက အာဆင်နယ်တိုက်စစ်မှူး ယိုကယ်ရက်စ်ဟာ ဂိုးမသွင်းပေမဲ့ အသင်းကို တိုးတက်စေတယ်လို ကာကွယ်ပြောကြားခဲ့ပါတယ်။
ဒီနှစ် နွေရာသီမှာ စပိုတင်းလစ္စဘွန်းကနေ အာဆင်နယ်အသင်းကို ပေါင်(၆၄)သန်းနဲ့ ပြောင်းရွှေ့လာခဲ့တဲ့ ဆွီဒင်တိုက်စစ်မှူး ယိုကယ်ရက်စ်ဟာ အာဆင်နယ်အသင်းအတွက် ပြိုင်ပွဲစုံ(၁၁)ပွဲမှာ (၃)ဂိုးသာ သွင်းယူထားနိုင်တဲ့အပြင် နောက်ဆုံး(၇)ပွဲဆက်ဂိုးပေါက်ပျောက်ခဲ့ပါတယ်။
ဒါပေမဲ့ အလန်ရှီးယားက ယိုကယ်ရက်စ်ဟာ အာဆင်နယ်အသင်းအတွက် အပေါင်းလက္ခဏာဆောင်တဲ့ ခေါ်ယူမှုဖြစ်ကြောင်းနဲ့ အသင်းကို တိုးတက်စေခဲ့ကြောင်း သုံးသပ်ခဲ့တာပါ။
”သူက ကျွန်တော်တို မြင်တွေ့ခဲ့ဖူးတဲ့ တိုက်စစ်မှူး သုံးယောက်ရဲ့ အဆင့်အတန်းမျိုးတော့ မဟုတ်ပါဘူး။ ဒါပေမဲ့ သူက ကွဲပြားခြားနားတဲ့အရာကို ယူဆောင်လာပြီး အသင်းကို သေချာပေါက် တိုးတက်စေပါတယ်။ သူက တခြားသူတွေအတွက် နေရာလွတ်တွေကို ဖြစ်ပေါ်စေပါတယ်။ ပြီးခဲ့တဲ့နှစ်က ဟာဗက်ဇ်နဲ့ မယ်ရီနိုတို ကစားခဲ့ချိန်မှာ ပြိုင်ဘက်တွေအနေနဲ့ ကာကွယ်ရတာ ပိုလွယ်ကူခဲ့ပါတယ်” လို အလန်ရှီးယားက ပြောကြားခဲ့ပါတယ်။
ဒါပေမဲ့ အလန်ရှီးယားက ယိုကယ်ရက်စ်အနေနဲ့ စပိုတင်းလစ္စဘွန်းက ဂိုးသွင်းနှုန်းမျိုး အာဆင်နယ်အသင်းမှာ သွင်းယူနိုင်ဖိုတော့ မဖြစ်နိုင်ဘူးလို ပြောကြားခဲ့ပါတယ်။
