မန်ယူနိုက်တက်အသင်းမှာ ကစားခွင့်ရဖို့ဆိုတာ မိမိအိပ်မက်ဖြစ်ကြောင်း ပဲလေ့စ်နောက်ခံလူ
ပြောကြား

ခရစ္စတယ်ပဲလေ့စ်တောင်ပံခံစစ်ကစားသမား ဒန်နီရယ်လ်မူနော့ဇ် မန်ယူနိုက်တက်အသင်းမှာ ကစားခွင့်ရဖို့ဆိုတာ မိမိအိပ်မက်ဖြစ်ကြောင်း အံ့အားသင့်ဖွယ် ပြောကြားခဲ့ပါတယ်။

မူနော့ဇ်ဟာ ပဲလေ့စ်သင်းရဲ့ အဓိကကစားသမားတစ်ဦးဖြစ်ပြီး FA Cup ဗိုလ်လုပွဲမှာ မန်စီးတီးဘက်ကို အနိုင်ဂိုးသွင်းနိုင်ဖို့ ဖန်တီးပေးခဲ့ပါတယ်။

ပြီးခဲ့တဲ့ရာသီ ပြိုင်ပွဲစုံမှာ ခြောက်ဂိုးသွင်းပြီး ရှစ်ဂိုးအထိ ဖန်တီးပေးနိုင်ခဲ့တာပါ။

မုူနော့ဇ်(၂၉ နှစ်)ဟာ ပြီးခဲ့တဲ့နွေရာသီကလည်း ဘာစီလိုနာ၊ ချန်ပီယံလိဂ်ချန်ပီယံ PSG အသင်းတွေဆီကလည်း စိတ်ဝင်စားမှု ရရှိခဲ့ပါတယ်။

၎င်းအနေနဲ့ ၂၀၂၄ ခုနှစ် ဇန်နဝါရီလက ဘယ်လ်ဂျီယံကလပ် KRCဂျန့်အသင်းကနေ ပဲလေ့စ်အသင်းကို ပြောင်းရွှေ့လာတာဖြစ်တယ်။

ပရီးမီးယားလိဂ်ကို မရောက်ခင် သူကစားခဲ့တဲ့ ကလပ်တွေမှာ စုစုပေါင်း ၃၅ ဂိုးအထိ သွင်းယူနိုင်ခဲ့တဲ့ နောက်ခံလူလည်း ဖြစ်ပါတယ်။