မန်စီးတီးနည်းပြ ဂွါဒီယိုလာက မန်စီးတီးနဲ့ လမ်းခွဲပြီးရင် နည်းပြဘဝကနေ (၁၅)နှစ်လောက်အထိ အနားယူဖွယ်ရှိတယ်လို ပြောကြားခဲ့ပါတယ်။
ဂွါဒီယိုလာ(၅၄ နှစ်)ဟာ ကမ္ဘာ့အကောင်းဆုံးနည်းပြတွေထဲက တစ်ဦးအဖြစ် သတ်မှတ်ခံထားရသူဖြစ်ပြီး ကိုင်တွယ်ခဲ့တဲ့ အသင်းတိုင်းမှာ ဆုဖလားအောင်ပွဲများစွာ ရယူနိုင်ခဲ့သူပါ။
ဂွါဒီယိုလာဟာ ဘာစီလိုနာအသင်းမှာ (၅)နှစ်၊ ဘိုင်ယန်မြူးနစ်အသင်းမှာ (၃)နှစ်သာ ဖြတ်သန်းခဲ့ပေမဲ့ မန်စီးတီးအသင်းမှာတော့ ဆယ်စုနှစ်တစ်ခုနီးပါး ကြာမြင့်နေပါပြီ။
မန်စီးတီးအသင်းနဲ့ ၂၀၂၇ ခုနှစ်အထိ သက်တမ်းတိုးထားတဲ့ ဂွါဒီယိုလာက သက်တမ်းကုန်ရင် သေချာပေါက်လမ်းခွဲမယ်လို ပြောကြားခဲ့ဖူးသလို၊ အဲဒီလိုလမ်းခွဲပြီးရင် အချိန်အတိုင်းအတာတစ်ခုအထိ အနားယူမယ်လို ထပ်မံပြောကြားခဲ့တာပါ။
”စီးတီးနဲ့ စာချုပ်ကုန်ရင် ကျွန်တော် ရပ်နားမှာတော့ သေချာပါတယ်။ ဘယ်လောက်ကြာမလဲတော့ မသိပါဘူး။ တစ်နှစ်လား၊ နှစ်နှစ်လား၊ သုံးနှစ်လား၊ ငါးနှစ်လား၊ ဆယ်နှစ်လား၊ ဆယ့်ငါးနှစ်လား ဆိုတာတော့ မသိပါဘူး။ ဒါပေမဲ့ ကျွန်တော် ရပ်နားမှာပါ။ ဘာကြောင့်လဲဆိုတော့ ကျွန်တော် ရပ်နားဖို လိုအပ်ပြီး ကိုယ့်ကိုယ်ကို၊ ကိုယ့်ခန္ဓာကိုယ်ကို အာရုံစိုက်ဖို လိုအပ်လိုပါ”လို ဂွါဒီယိုလာက ပြောကြားခဲ့ပါတယ်။
