ပယ်နယ်တီမဝင်ခဲ့တဲ့ စီရော်နယ်လ်ဒို မှတ်တမ်းကောင်းတစ်ခုနဲ့ လွဲချော်

ပေါ်တူဂီအသင်းခေါင်းဆောင် စီရော်နယ်လ်ဒိုဟာ အိုင်ယာလန်ကို ၁-၀ ဂိုးနဲ့ အနိုင်ရတဲ့ပွဲမှာ ပယ်နယ်တီမဝင်ခဲ့လို့ မှတ်တမ်းကောင်းတစ်ခုနဲ့ လွဲချော်ခဲ့ပါတယ်။

ပွဲချိန် ၇၅ မိနစ်မှာ စီရော်နယ်လ်ဒို ကန်သွင်းတဲ့ ပယ်နယ်တီကို အိုင်ယာလန်ဂိုးသမား ကယ်လယ်ဟာက ကာကွယ်နိုင်ခဲ့တာဖြစ်တယ်။

စီရော်နယ်လ်ဒိုဟာ ကမ္ဘာ့ဖလားခြေစစ်ပွဲသမိုင်းမှာ ဂိုးအများဆုံးသွင်းသူအဖြစ် မှတ်တမ်းဝင်နိုင်မယ့် အခွင့်အရေးကောင်းတစ်ခုကို လက်လွှတ်ခဲ့ရတာပါ။

စီရော်နယ်လ်ဒိုဟာ လက်ရှိမှာ ဂွါတီမာလာကစားသမား ကားလို့စ်ရုဇ်နဲ့ ၃၉ ဂိုးစီ တူညီနေတာဖြစ်တယ်။

၎င်းအနေနဲ့ အခုနှစ်အတွင်းမှာ တတိယအကြိမ်မြောက် ပယ်နယ်တီ လွဲချော်ခဲ့ပါတယ်။

ယခင်နှစ်ပွဲကတော့ အိုဇေဘီကို ၂-၀ ဂိုးနဲ့ အနိုင်ရတဲ့ ဆော်ဒီပရိုလိဂ်ပွဲ၊ ဒိန်းမတ်ကို ၅-၂ ဂိုးနဲ့ အနိုင်ရတဲ့ UEFA Nations League ပွဲတွေပဲ ဖြစ်ပါတယ်။