ဆားဘီးယားကလပ် ရက်နစ်ကီအသင်းနည်းပြမီလာဒန်ဇီဇိုဗစ်(၄၄ နှစ်)ဟာ ပွဲကစားနေစဉ်အတွင်း ကွင်းဘေးမှာ နှလုံးရောဂါကြောင့် လဲကျပြီးသေဆုံးခဲ့ရပါတယ်။
ဘော့စနီးယားနိုင်ငံသား ဇီဇိုဗစ်ဟာ မီလာဒေါ့စ်အသင်းနဲ့ကစားတဲ့ပွဲ ပွဲချိန် ၂၂ မိနစ်မှာ လဲကျခဲ့တာဖြစ်တယ်။
ဇီဇိုဗစ်ကို ဆေးရုံကို ချက်ချင်းတင်ပိုခဲ့ပေမဲ့ သေဆုံးခဲ့ရပါတယ်။
ဘောလုံးပွဲ ပြန်ကစားပြီးနောက် မိနစ် ၂၀ အကြာမှာ ဇီဇိုဗစ်သေဆုံးမှုကို ကြေညာခဲ့ပြီး ပွဲကို ရွှေ့ဆိုင်း
ခဲ့ပါတယ်။
၂၀၁၆ ခုနှစ်မှာ ကစားသမားဘဝက အနားယူခဲ့တဲ့
ဇီဇိုဗစ်ဟာ ရက်နစ်ကီအသင်းကို အောက်တိုဘာလ ၂၃ ရက်ကမှ စတင်တာဝန်ယူခဲ့ပြီး အခုပွဲအပါအဝင် သုံးပွဲသာ ကိုင်တွယ်ခဲ့ရပါတယ်။
၎င်းဟာ ဘော့စနီးယားလက်ရွေးစင်အသင်းအတွက် နှစ်ပွဲကစားခဲ့ပြီး ကစားသမားဘဝကို ဘော့စနီးယားနဲ့ အယ်လ်ဘေးနီးယားနိုင်ငံတွေမှာ ကျင်လည်ကစားခဲ့ပါတယ်။
