ခြေချင်းဝတ်ဒဏ်ရာ ရထားပေမဲ့ အင်္ဂလန်အသင်းအတွက် ဟာရီကိန်း ကစားပေးမယ်
ဘိုင်ယန်မြူးနစ်တိုက်စစ်မှူး ဟာရီကိန်းက ခြေချင်းဝတ်ဒဏ်ရာ ရထားပေမဲ့ လာမယ့် နိုင်ငံတကာပွဲတွေမှာ နိုင်ငံလက်ရွေးစင်အသင်းအတွက် ဝင်ရောက်ကစားမယ်လို့ ပြောခဲ့ပါတယ်။
ဟာရီကိန်းက မိနစ် ၈၀ မှာ ဖရန့်ဖတ်ဂိုးသမားနဲ့ ထိခိုက်မိကာ ဒဏ်ရာရခဲ့ပြီး ၈၅ မိနစ်မှာ နီကိုးလက်စ်ဂျက်ဆန်နဲ့ လူစားလဲခဲ့ရပါတယ်။
ဒါ့အပြင် ပွဲအပြီး အဝေးကွင်းလိုက်ပါအားပေမဲ့ အသင်းပရိသတ်ရှေ့ အောင်ပွဲခံရာမှာတော့ ဟာရီကိန်းဟာ ညာခြေထောက်ရေခဲအိတ်ကပ်ထားပေမဲ့ ခုန်ပေါက်အောင်ပွဲခံခဲ့ပါတယ်။
အင်္ဂလန်အသင်းမှာ ကစားနိုင်မလားမေးခွန်းကို ဟာရီကိန်းက ”မရှိနိုင်လောက်ပါဘူး။ ကျွန်တော် တနင်္လာနေ့ အဲဒီမှာရှိမှာပါ။ ကျွန်တော် အဆင်ပြေပါတယ်။ အရိုးကိုသာထိခဲ့တာပါ။ ပြီးခဲ့တဲ့ရက်သတ္တပတ်အနည်းငယ်ကလည်း အဲဒီလို ထိခိုက်မိပြီး ပြန်ကောင်းလာခဲ့တယ်။ အခုလည်း ဒီနေရာကိုပဲ ပြန်ထိခိုက်မိတာပါ။ ရက်အနည်းငယ်လောက်ဆိုရင် ပြန်ကောင်းမှာပါ”လို့ ဟာရီကိန်းက ပြောခဲ့
ပါတယ်။
ဖရန့်ဖတ်နဲ့ပွဲမှာ တစ်ဂိုးထပ်သွင်းခဲ့တဲ့ ဟာရီကိန်းဟာ ဘွန်ဒစ်လီဂါရာသီအဖွင့် ခြောက်ပွဲမှာ ၁၁ ဂိုး သွင်းယူနိုင်တဲ့ ပထမဆုံးကစားသမားအဖြစ် မှတ်တမ်းသစ် ရေးထိုးခဲ့ပါတယ်။
ဒါ့အပြင် အခုရာသီ ပြိုင်ပွဲစုံ ၁၀ ပွဲမှာလည်း သွင်းဂိုးအရေအတွက်က ၁၈ ဂိုးအထိ ရှိလာခဲ့ပါတယ်။
