အယ်လ်အစ်တီဟတ်အသင်းရဲ့ ပြင်သစ်တိုက်စစ်မှူး ဘန်ဇီမာက ရီးယဲလ်ဥက္ကဋ္ဌ ဖလော်ရင်တီနိုပီရက်ဇ်ကသာ ပြန်ခေါ်မယ်ဆိုရင် မိမိအနေနဲ့ ငြင်းနိုင်မှာမဟုတ်ဘူးလို ပြောကြားခဲ့ပါတယ်။
အသက်(၃၈)နှစ် ပြည့်ခါနီးပြီဖြစ်တဲ့ ဘန်ဇီမာဟာ အယ်လ်အစ်တီဟတ်အသင်းနဲ့ ၂၀၂၆ နွေရာသီမှာ စာချုပ်ကုန်ဆုံးမှာဖြစ်ပြီး ဥရောပမှာ ပြန်ကစားဖွယ်ရှိကြောင်း သတင်းထွက်နေပါတယ်။
ဘန်ဇီမာကလည်း အယ်လ်အစ်တီဟတ်အသင်းမှာ ဆက်ရှိ၊ မရှိမသေချာကြောင်းနဲ့ အခြေအနေကို စောင့်ကြည့်ရမှာဖြစ်ကြောင်း၊ ကစားသမားဘဝက အနားမယူသေးဘဲ အနည်းဆုံး(၂)နှစ် ကစားဦးမှာဖြစ်ကြောင်း ပြောကြားထားပါတယ်။
ဒီအခြေအနေမှာ ရီးယဲလ်မက်ဒရစ်ဥက္ကဋ္ဌ ဖလော်ရင်တီနိုပီရက်ဇ်က ဘရာဇီးလ်တိုက်စစ်ကစားသမား ဗင်နီစီယပ်စ်ကို ရောင်းထုတ်ပြီး ဘန်ဇီမာကို ပြန်ခေါ်ဖွယ်ရှိကြောင်း သတင်းထွက်လာခဲ့ပါတယ်။
ဒီအတွက် AS က မေးမြန်းခဲ့ရာမှာ ဘန်ဇီမာက ”ရီးယဲလ်မက်ဒရစ်က ကျွန်တော့်ကို ပြန်ခေါ်ဖိုလား။ ဘာအတွက်လဲ(ရယ်လျက်)။ ဒါပေမဲ့ ဖလော်ရင်တီနိုပီရက်ဇ်ကတော့ ကျွန်တော် ဘယ်တော့မှ မငြင်းနိုင်တဲ့သူပါ။ ကျွန်တော်က မက်ဒရစ်သားတစ်ယောက်ပါ။ မက်ဒရစ်က ကျွန်တော့်မြိုအဖြစ်လည်း ဆက်ရှိနေပါတယ်။ ဘာဖြစ်လာမလဲ ကျွန်တော်တို မြင်တွေ့ရမှာပါ” လို ပြောကြားခဲ့ပါတယ်။
