စီးရီးအေချန်ပီယံ နာပိုလီအသင်းဟာ မန်ယူနိုက်တက်အသင်းက ဒိန်းမတ်လက်ရွေးစင်တိုက်စစ်မှူး ဟွိုင်လန်းကို ခေါ်ယူဖို့ ကြိုးပမ်းနေပြီဖြစ်ပါတယ်။
ဟွိုင်လန်းအနေနဲ့ နာပိုလီအသင်းမှာ ကနဦးအငှားနဲ့ သွားရောက်ကစားမှာပါ။
အငှားစာချုပ်ပြည့်ရင် ပေါင် ၃၉ သန်းနဲ့ အပြီးသတ်ခေါ်ယူခွင့်ရှိတဲ့အချက် ပါဝင်ပါတယ်။
ဒါပေမဲ့ ပွဲကစားခွင့်၊ သွင်းဂိုးနဲ့ ချန်ပီယံလိဂ်ဝင်ခွင့်အပေါ် မူတည်ပြီး အပြီးသတ်ပြောင်းရွှေ့မှာပါ။
၂၂ နှစ်သာရှိသေးတဲ့ ဟွိုင်လန်းဟာ မန်ယူနိုက်တက်အသင်းမှာ နှစ်ရာသီသာ ကစားခဲ့ပြီး ၉၅ ပွဲကစား ၂၆ ဂိုးသာ သွင်းယူနိုင်ခဲ့ပါတယ်။
မန်ယူနိုက်တက်အသင်းဟာ လွန်ခဲ့တဲ့နှစ်နှစ်က ဟွိုင်လန်းကို ခေါ်ယူခဲ့ချိန် ပေါင် ၇၂ သန်း ကုန်ကျခဲ့ပါတယ်။
ဒါကြောင့် မန်ယူနိုက်တက်အနေနဲ့ လာမယ့်ရာသီ ရောင်းချဖြစ်ခဲ့ရင်တောင် ပေါင် ၃၃ သန်းလောက် အရှုံးပြနိုင်ပါတယ်။
နာပိုလီအသင်းအနေနဲ့ အဓိကတိုက်စစ်မှူး လူကာကူ ပေါင်ဒဏ်ရာကြောင့် လေးလလောက် နားရဖို့ရှိလို့ No.9 Role တစ်ဦး ရှာဖွေနေပါတယ်။
