ဘွန်ဒစ်လီဂါပြိုင်ပွဲ တန်းတက်တန်းဆင်း Play-offs ပွဲစဉ်မှာ ဝုလ်ဖ်ဘတ်အသင်း အရေးနိမ့်ပြီး ဘွန်ဒစ်လီဂါ-၂ ကို တန်းဆင်းခဲ့ရပါတယ်။
ဝုလ်ဖ်ဘတ်အသင်း ဒုတိယအကျော့ အဝေးကွင်းမှာ ၁-၂ ဂိုးနဲ့ အရေးနိမ့်ပြီး နှစ်ကျော့ပေါင်း ၁-၂ ဂိုးနဲ့ ဘွန်ဒစ်လီဂါကို နှုတ်ဆက်ခဲ့ရတာဖြစ်တယ်။
ဝုလ်ဖ်ဘတ်အသင်းမှာ အဲရစ်ဆင်၊ အာနိုးလ်စတဲ့ ထင်ရှားသောကစားသမားတွေရှိပေမဲ့ ဘွန်ဒစ်လီဂါမှာ တင်ကျန်အောင် မစွမ်းဆောင်နိုင်ခဲ့ပါဘူး။
ဝုလ်ဖ်ဘတ်အနေနဲ့ ၁၉၉၇ ခုနှစ်မှာ ဘွန်ဒစ်လီဂါကို တန်းတက်လာပြီးနောက် ဆယ်စုနှစ် သုံးခုနီးပါးကြာမှ တန်းပြန်ဆင်းရခဲ့ပါတယ်။
ဘွန်ဒစ်လီဂါ တန်းတက်တန်းဆင်း Play-offs တွေဟာ ဘွန်ဒစ်လီဂါအသင်းတွေ ခြောက်နှစ်ဆက် အောင်ပွဲခံထားမှု အဆုံးသတ်ခဲ့ပါတယ်။
၂၀၀၉ ခုနှစ်မှာ ဘွန်ဒစ်လီဂါချန်ပီယံဖြစ်ခဲ့တဲ့ ဝုလ်ဖ်ဘတ်အသင်းလည်း ၂၀၁၇၊ ၂၀၁၈ ခုနှစ်တွေမှာ နှစ်နှစ်ဆက် Play-offs အဆင့်ကို ကျော်ဖြတ်ခဲ့ပေမဲ့ အခုတော့ တန်းဆင်းခဲ့ရတာဖြစ်ပါတယ်။
