ဘရာဇီးလ်ကလပ်ရန်ပွဲမှာ ကစားသမား ၂၃ ယောက် အနီကတ်ပြသခံရပြီး နာမည်ကျော်ကစားသမားတချို့ ပါဝင်ခဲ့တယ်လို့ သိရပါတယ်။
ခရူဇီယိုအသင်းနဲ့ အက်သလက်တီကိုမင်နဲရိုး
အသင်းတို့ ယှဉ်ပြိုင်ကစားခဲ့တဲ့ Campeonato Mineiro ဗိုလ်လုပွဲမှာ ရန်ပွဲဖြစ်ပွားခဲ့တာပါ။
ဒီပွဲမှာ ခရူဇီယိုအသင်းက ဂျူဗင်တပ်စ်ကစား
သမားဟောင်း ကိုင်ယိုဂျော့ချ် သွင်းယူတဲ့ဂိုးနဲ့
အက်သလက်တီကိုမင်နဲရိုးကို အနိုင်ရခဲ့ပါတယ်။
ခရူဇီယိုအသင်းကို ဘရာဇီးလ်အသင်းနည်းပြဟောင်း ထိထီ ကိုင်တွယ်နေတာဖြစ်ပြီး ၂၀၁၉ ခုနှစ်ကတည်းက ပထမဆုံးအကြိမ် Minas Gerais ပြည်နယ်ချန်ပီယံ ဖြစ်ခဲ့ပါတယ်။
ပွဲပြီးခါနီးမှာ အက်သလက်တီကိုဂိုးသမား
အယ်ဗာဆန်က ခရူဇီယိုကွင်းလယ်လူ ခရစ္စတီယန်ကို လဲကျအောင် တွန်းခဲ့ပြီးနောက် ရင်ဘတ်ကို ဒူးနဲ့ ဖိထားရာကနေ ရန်ပွဲစတင်ခဲ့ပါတယ်။
ခရူဇီယိုအသင်းက အနိုင်ဂိုးသွင်းသူ ကိုင်ယိုဂျော့ချ်အပါအဝင် ကစားသမား ၁၂ ဦး ထုတ်ပယ်ခံခဲ့ရပါတယ်။
အက်သလက်တီကိုအသင်းကတော့ ဟော့ခ်၊ ရီနန်
လိုဒီအပါအဝင် ကစားသမား ၁၁ ဦး ထုတ်ပယ်ခံရတာဖြစ်တယ်။
ယခုပွဲရဲ့ အနီကတ် ၂၃ ကြိမ်က ဘောလုံးသမိုင်းမှာတော့ စံချိန်တင် မဖြစ်ခဲ့ပါဘူး။
၂၀၁၁ ခုနှစ် ဖေဖော်ဝါရီလက အာဂျင်တီးနား
ပဉ္စမတန်း ကလေပိုးအသင်းနဲ့ အာရေးညက်စ်တို့ပွဲမှာ ကစားသမား ၃၆ ဦး ထုတ်ပယ်ခံခဲ့ရတာက ကမ္ဘာ့စံချိန်တင်ခဲ့ပါတယ်။
နှစ်သင်းစလုံး အခုရာသီ ဘရာဇီးလ်စီးရီးအေပြိုင်ပွဲ လေးပွဲကစားအပြီး နိုင်ပွဲမရသေးဘဲ အက်သလက်တီကိုက အဆင့် ၁၇ နဲ့ ခရူဇီယိုက အဆင့် ၁၉ မှာ ရပ်တည်နေပါတယ်။
